Roadmap

Aktualitéiten

Resultater vu weideren Challenges

LightField Studios / Shutterstock.com
19/06/2020

Challenge: Billergeschicht

D’Texter Zukunftsvisionen an Illumination vum Anna Kauffmann hunn eis am beschte gefall.

Merci un all déi Jonk, déi bei dësem Challenge matgemaach hunn.

 

Challenge: D’Gedanke vun engem Bamkand

D’Lorena Baum huet dësen Challenge mat sengem Text Gedanken eines Jungen Apfelbaums gewonnen. Gratulatioun!

 

Virlies-Challenge: Lies aus dengem Liblingsbuch vir

Fir d’Liesen a ganz besonnesch d’Virliesen ze promouvéieren, huet de SCRIPT d’Virlies-Challenge lancéiert. D’Kanner sollten en Extrait aus hirem Liblingsbuch virliesen a sech dobäi ophuelen.

Folgend Gewënner goufen ermëttelt:

  • de René vun Duelem mam Buch Agent Alfie: Donnerjäger vum Justin Richards
  • d’Emilie vu Nocher mam Buch Die unendliche Geschichte vum Michael Ende

Mir soen de Kanner e grousse Merci fir d‘Matmaachen a schécken hinnen als Belounung e flotte Bicherbong heem.

 

Challenge: Recycling doheem

Bravo Helda Reibe! Du hues mat denger Klass, der C2.2 A aus der École fondamentale vu Beggen, eng Visitt bei der Superdreckskëscht gewonnen. Hinnen och e grousse Merci fir des flott Zesummenaarbecht.

Op dengem flotte Plakat hues du deng Kreativitéit zum Ausdrock bruecht a gewisen wéi mer all besser kennen doheem onse Recycling organiséieren.

Mir wäerte Kontakt mat dir/iech ophuelen fir weider Detailer ze organiséieren.

 

Eis Gefiller – e Reflexiounschallenge

De Luca aus dem Cylce 4.2 aus der École fondamentale vun Uewerkuer ass de Gewënner vun dësem Challenge. Hien huet e Bréif geschriwwen an deem hie bewisen huet, dass hien sech schonn a sengem jonken Alter gutt an aner Leit erafille kann.

 Mir felicitéieren dem Luca an deenen anere Kanner déi matgemaach hunn.